Pam bod angen y Fro Gymraeg?

• Heb gymunedau Cymraeg, ni fydd yr iaith yn goroesi. Mae hyn yn cael ei gydnabod gan arbenigwyr iaith ar draws y byd.

• Yn ôl cyfrifiad 2001, dim ond 17 o gymunedau Cymraeg (gyda dros 80% o siaradwyr) sydd ar ôl.

• Mae angen ymateb ar frys, a'r cam cyntaf ydy cydnabod bodolaeth y Fro Gymraeg.

Iawn! Dw i isio helpu! (cliciwch yn fan hyn i gefnogi'r ymgyrch)

Lle yn union ydy'r Fro Gymraeg, felly?

Mae'r Fro Gymraeg yn cynnwys yr ardaloedd lle mae mwyafrif y Cymry cynhenid yn medru'r Gymraeg. Dyma'r map:

Y Fro Gymraeg ydy'r ardaloedd coch. Mae'r ardaloedd gwyrdd tywyll yn ddarpar bröydd Cymraeg, lle mae dros 20% o'r Cymry yn medru'r Gymraeg. Dylid fod cymorth ar gael iddynt ddod yn rhan o'r Fro gydag amser, os ydyn nhw eisiau hynny.

Wrth gwrs, hoffem weld y Gymraeg yn ffynnu ym mhob rhan o Gymru - ond i hyn ddigwydd, mae'n rhaid cryfhau'r Fro law yn llaw gydag ymdrechion eraill i adfywio'r iaith trwy'r wlad gyfan.

Dw i'n barod i helpu! (cliciwch yn fan hyn i gefnogi'r ymgyrch)

Beth mae Cymuned eisiau ei weld ar gyfer y Fro Gymraeg?

• Cyngor Statudol etholedig yn cynrychioli'r Fro

• Awdurdod Tai i Gymru

• Caniatad cynllunio yn y Fro Gymraeg ar gyfer pobl leol yn unig

• Awdurdod Datblygu Economaidd penodol ar gyfer y Fro

• Pwyllgor Rhanbarthol y Fro Gymraeg y tu fewn i'r Cynulliad

• Cymraeg yn iaith fewnol awdurdodau lleol y Fro Gymraeg

• Bod rhaid i unigolion sy'n darparu gwasanaethau cyhoeddus yn y Fro Gymraeg siarad Cymraeg

• Gwersi dinasyddiaeth Cymreig a Chymraeg ar gyfer newydd-ddyfodiaid i'r Fro Gymraeg

• Cymraeg fel cyfrwng addysg i bawb rhwng 3 a 16 yn y Fro

• Coleg Cymraeg Ffederal (a chymreigio addysg alwedigaethol)

• Datblygu rhai trefi yn y Fro fel canolfannau fyddai'n apelio at bobl ifanc trefol eu naws

• Anelu at ymestyn y Fro Gymraeg trwy helpu wardiau eraill ddod yn rhan ohoni

Mae angen rheina! Dw i am helpu! (cliciwch yn fan hyn i gefnogi'r ymgyrch)

Oes mwy o fanylion ar gael?

Oes - cliciwch yn fan hyn i ddarllen Llyfryn y Fro Gymraeg fel ffeil pdf arlein.

Dw i wedi darllen digon - mae'n amser rhoi cymorth! (cliciwch yn fan hyn i gefnogi'r ymgyrch)